بھارت کے ڈومیسٹک ٹورنامنٹ سید مشتاق علی ٹرافی میں گجرات کے بیٹر نے دھواں دار بیٹنگ کرتے ہوئے 31 گیندوں پر برق رفتار سنچری بناڈالی۔
بدھ کو سید مشتاق علی ٹرافی میں گجرات اور سروسز کی ٹیمیں مدمقابل تھیں۔ جہاں سروسز نے پہلے بیٹنگ کرتے ہوئے مقررہ20 اوورز میں 9 وکٹوں کے نقصان پر 182 رنز بنائے۔
ہدف کے تعاقب میں گجرات کے کپتان اُرول پٹیل نے دھواں دار بیٹنگ کی اور مخالف ٹیم کے بولرز کا بھرکس نکال دیا۔
پٹیل نے 31 گیندوں پر سنچری اسکور کی جبکہ 37 گیندوں پر 119 رنز کی ناقابل شکست اننگز کھیلی۔پٹیل کی اس اننگز میں 12 چوکے اور 10 چھکے شامل تھے۔
گجرات نے 183 رنز کا ہدف با آسانی 13 ویں اوور میں2 وکٹوں کے نقصان پر حاصل کرلیا۔
پٹیل کی 31 گیندوں پر سنچری کسی بھی بھارتی بیٹر کی جانب سے ٹی ٹوئنٹی کرکٹ میں دوسری تیز ترین سنچری ہے۔
About the Author
